ATQARYLǴAN JUMYSTAR SARALANDY

Keshe elimizdiń Memlekettik hatshysy – Syrtqy ister mınıstri Qanat Saýdabaevtyń tóraǵalyq etýimen Prezıdent janyndaǵy Sybaılas jemqorlyqqa qarsy kúres máseleleri jónindegi komıssııanyń kezekti májilisi bolyp ótti. Onda memlekettik organdardyń halyqtyń kóshi-qon salasynda sybaılas jemqorlyqqa qarsy is-qımyly, sondaı-aq Soltústik Qazaqstan jáne Batys Qazaqstan oblystary ákimdikteriniń sybaılas jemqorlyqqa qarsy memlekettik jáne óńirlik baǵdarlamalaryn iske asyrý boıynsha qabyldap jatqan sharalary kún tártibiniń negizgi máseleleri retinde talqyǵa salyndy. Qanat Saýdabaev táýelsizdik alǵan kúnnen bastap kóshi-qon úderisterin retteý máseleleri Qazaqstan  saıasatynyń jáne Elbasynyń mańyzdy ári jaýapty baǵyttary bolyp kele jatqandyǵyn aıtyp ótti. Odan ári ol respýblıkamyzdyń tıimdi geosaıası ornalasýy, TMD elderimen shekaranyń ashyqtyǵy, qolaıly ekonomıkalyq jaǵdaı, áleýmettik-saıası turaqtylyq, lıberaldy halyq­ara­lyq kóshi-qon saıasaty Qazaq­stan­daǵy sheteldik azamattardyń eńbek qyzmetine, onyń ishinde zańsyz kóshi-qon aýqymynyń ósýine múmkindik týǵyzatyn negizgi faktorlar bolyp tabylatynyn jetkizdi. Alaıda, tóraǵalyq etýshi osyn­daı ıgilikti ister jasap jatsa da, sheteldik jumys kúshin paıdalanýda tıisti tártiptiń joqtyǵy, zańna­malyq bazanyń jetilmeýi, negizgi kóshi-qon úrdisteriniń bıýrokrat­tyǵy sybaılas jemqorlyqtyń halyqtyń kóshi-qon salasyndaǵy memlekettik organdardy baqylaı­tyn qyzmetkerlerdiń ara­synda ósýine de múmkindik týǵyzyp otyr­ǵandyǵyn jasyrmady. Osy máselege baılanysty tıisinshe Eńbek jáne halyqty áleýmettik qorǵaý mınıstri Gúlshara Ábdiqalyqova men Ishki ister mınıstri Serik Baımaǵanbetov baıandama jasady. Buǵan qosa, sondaı-aq, Soltústik Qazaqstan oblysynyń ákimi Serik Bilálov pen Batys Qazaqstan obly­synyń ákimi Baqtyǵoja Izmuham­betovtiń sybaılas jemqorlyqqa qarsy 2006-2010 jyldarǵa arnalǵan memlekettik jáne óńirlik baǵdarla­ma­lar­dy iske asyrý  jáne Elbasynyń tıisti tapsyrmalaryn oryndaý jónin­degi jumystary týraly esepteri tyńdaldy. Otyrys qory­tyn­dysy boıynsha komıssııa tarapynan tıisti memlekettik organdarǵa qóshi-qon baqylaýy salasynda jemqor­lyqqa qarsy 2006-2010 jyldarǵa arnalǵan memlekettik jáne óńirlik baǵdarlama­lardy iske asyrý jos­parlaryn jáne Memleket bas­shysynyń sybaılas jemqorlyqqa qarsy kúresti kúsheıtý jónindegi tapsyrmalaryn oryndaý boıynsha tolyq sharalar qabyldaýǵa usynym jasaldy. Aleksandr TASBOLATOV.