Grekııanyń Ulttyq barlaý qyzmeti (EYP) mınıstrlerdiń, departamentterdiń bas hatshylary men basqa da memlekettik qyzmetkerlerdiń telefondaryn tyńdady, dep habarlaıdy Egemen.kz.
Tyńdalǵan adamdardyń aty-jónin jergilikti oppozısııalyq BAQ jarııalaǵan.
Zańsyz Predator baǵdarlamalyq jasaqtamasynyń kómegimen úkimet ókili Ioannıs Ikonomý, bilim mınıstri Nıkı Kerameos, PASOK depýtaty Andreas Loverdos, ekonomıkalyq prokýratýranyń basshysy Krıstos Bardakıs, prokýror Vasılıkı Vlahý, EYP kýratory bolyp taǵaıyndalǵan, Grekııanyń burynǵy polısııa basshysy jáne Azamattardy qorǵaý mınıstrliginiń qazirgi Bas hatshysy Mıhalıs Karamalakıs, Parlament Bas hatshysy Iorgos Mılonakıs jáne onyń áıeli, eldegi basqa da belgili saıasatkerler, jýrnalıster, ýnıversıtet oqytýshylary, BAQ ókilderiniń telefondary tyńdalǵan.
Buǵan deıin 5 qarashada dál osnydaı 33 adamnyń tizimi jarııalanǵan edi. Tizimde burynǵy premer-mınıstr Antonıs Samaras, syrtqy ister mınıstri Nıkos Dendıas, damý jáne ınvestısııalar mınıstri Adonıs Djordjadıs, týrızm mınıstri Vasılıs Kıkılıas, qorǵanys mınıstriniń orynbasary Nıkos Hardalıas, qarjy mınıstri Krıstos Staıkýras jáne basqa da kóptegen saıasatkerlerdiń esimderi boldy.
Al 13 qarashada zańsyz tyńdalǵan 38 adamnyń ekinshi tizimi jarııalandy, onyń ishinde premer-mınıstr Kırıakos Mısotakıs pen onyń áıeliniń seriktesteri, dostary, sondaı-aq mınıstrler, áskerı qyzmetkerler men jýrnalıster de bar.