Depýtattar Halyqaralyq qatynastar, qorǵanys jáne qaýipsizdik komıtetiniń keńeıtilgen otyrysynda «Geodezııa, kartografııa jáne keńistiktik derekter týraly» jáne «Qazaqstan Respýblıkasynyń keıbir zańnamalyq aktilerine geodezııa, kartografııa jáne keńistiktik derekter máseleleri boıynsha ózgerister men tolyqtyrýlar engizý týraly» zań jobalaryn talqylady, dep habarlaıdy Egemen.kz.
Qujattar Ulttyq keńistiktik derekter ınfraqurylymyn qurýdy jáne damytýdy kózdeıdi. Bul platforma derekterdi sıfrly format túrinde paıdalanýdyń qoljetimdiligi men tıimdiligin qamtamasyz etýge, olardy jetildirýge jáne jumys babynda saqtaýǵa kómektesedi. Ol úshin derekterdi jańartýdyń kezeńdiligin zańnamalyq retteý qarastyrylǵan.
Zań jobalarynyń qabyldanýy aýmaqtyń qazirgi jaǵdaıyna sáıkes keletin, ashyq paıdalanýdaǵy derektermen biryńǵaı keńistiktikti qamtamasyz etýge, olardy avtomatty túrde almastyrýǵa yqpal etedi. Sonymen qatar jer qatynastary, sáýlet, qurylys, tabıǵat paıdalaný jáne qorshaǵan ortany qorǵaý, geologııa, turǵyn úı-kommýnaldyq jáne aýyl sharýashylyǵy salalarynda halyqqa kórsetiletin qyzmetterdiń qoljetimdiligi men sapasyn jaqsartý týraly sóz bolyp otyr.
Zań jobalaryn talqylaý qorytyndysy boıynsha senatorlar ony Palatanyń qaraýyna jiberý týraly sheshim qabyldady.