29 qarashada Qaznette О́skemen jylý elektr stansııasynda iri apat bolǵany týraly aqparat tarady. JEO málimdegendeı, aqparat shyndyqqa janaspaıdy, dep jazady Egemen.kz.
«О́skemen JEO» JShS bul aqparatty resmı túrde teriske shyǵardy.
«Qazirgi ýaqytta WhatsApp messendjeri men basqa da áleýmettik jeliler arqyly «О́skemen JEO-da» bolǵan iri apat týraly aqparat tarap júr. Bul aqparat shyndyqqa sáıkes kelmeıdi. «О́skemen JEO» JShS jabdyqtary shtattyq rejımde jumys istep tur», delingen habarlamada.
JEO qyzmetkerleriniń aıtýynsha, jeti qazandyq agregaty men alty týrboagregat jumys istep tur.
«Stansııanyń generasııasy tómendedi, jabdyqtyń barlyq qýaty temperatýralyq rejımdi arttyrýǵa baǵyttalǵan», delingen habarlamada.
Alaıda jergilikti turǵyndar jazba astyndaǵy pikirlerde shaǵymdaryn bildirip jatyr.