El taǵdyryndaǵy tarıhı sát – basym kópshiliktiń daýysymen jeńiske jetken Qazaqstan Respýblıkasy Prezıdentin ulyqtaý rásimine kýá boldyq. Qasym-Jomart Toqaevtyń kezekten tys saılaýdaǵy senimdi jeńisi – ult birligin, respýblıkanyń búkil azamatynyń jańa jáne ádiletti Qazaqstan qurýǵa degen umtylysyn kórsetti.
El Prezıdenti óz sózinde aýyl halqyn qoldaýǵa erekshe toqtaldy. Bul turǵyndardyń ómir súrý sapasy men densaýlyǵyn jaqsartýǵa baǵyttalǵan densaýlyq saqtaý salasyn jańǵyrtý baǵdarlamasyna qatysty.
Qasym-Jomart Kemeluly dárigerler men pedagogter erekshe qurmet pen mártebege laıyq ekenine ekpin berdi. Aldaǵy ýaqytta medısına qyzmetkerleriniń kásibı jaýapkershiligin neǵurlym aıqyndaıtyn jáne saqtandyrý tetikteri arqyly olardyń tıimdi qorǵalýyn qamtamasyz etetin birqatar zańnamalyq norma qabyldaý qajet.
Qazaqstandyqtar áleýmettik, ekonomıkalyq turǵydan ál-aýqaty joǵary ádiletti Qazaqstandy qurý jolynda sanaly tańdaý jasady. Memleket basshysynyń túrli josparly baǵdarlamalarǵa qatysty tapsyrmasyn densaýlyq saqtaý salasy da jaýapkershilikpen júzege asyrady dep senimmen aıta alamyn. Halyq «birinshi baılyq densaýlyq» dep beker aıtpaıdy.
Prezıdenttiń saılaýaldy baǵdarlamasynda halyq salamattylyǵyn kezeń-kezeńmen arttyrý, bólinetin qarjyny laıyqty ıgerý júıeli aıtyldy. Osy jolda bizdiń sala aıanyp qalmaıdy.
Ajar ǴINIIаT,
Densaýlyq saqtaý mınıstri