Astana qalasy polısııa departamenti bastyǵynyń orynbasary Ǵosman Jakın elordalyq polısııany jabdyqtaý josparymen bólisti, dep habarlaıdy Egemen.kz.
«AMANAT partııasynyń baǵdarlamasy aıasynda qalada modýldik úlgidegi 10 stasıonarlyq polısııa beketi ornatyldy. Ýchaskelik polısııa pýnktterine arnalǵan úı-jaılar sany 27-den 42-ge deıin ulǵaıdy», dedi Ǵosman Jakın qoǵamdyq keńes otyrysynda.
Onyń aıtýynsha, aldaǵy úsh jylda olardy eki esege arttyrý josparlanýda.
«Ýchaskelik polısııa ınspektorlary, patrýldik polısııa polki jáne mamandandyrylǵan batalon úshin 94 avtokólik satyp alyndy. 2025 jylǵa deıin taǵy 183 birlik avtokólik satyp alý josparlanýda», dedi polısııa qyzmetkeri.