Altyn-Emel ulttyq parkinen «Ile-Balqash» rezervatyna shamamen 50 bas qulan jetkizildi. Olardyń ortaǵa beıimdelýi jeńil ótýi úshin janýarlar aýmaǵy 22 gektar bolatyn arnaıy qorshaýǵa ornalastyryldy. Bul jerde shamamen 5-7 aı ýaqytqa deıin bolady, odan keıin tuıaqtylar tabıǵı ortaǵa jiberilmek.
Sonymen qatar atalǵan aýmaqqa taǵy da buqar buǵylary ákelindi. Rezervat aýmaǵyna buǵylardy jersindirý 2018 jyly bastalǵan bolatyn. Sol jyly alǵash ret 5 qulan qorshaý ishine jiberilgen. Erekshe qorǵalatyn tabıǵı aýmaq 2019 jyly – 17 bas, 2020 jyly – 30, 2021 jyly – 53 jáne bıyl 54 bas buǵymen tolyqty, onyń 15-i qazirgi tańda qorshaýǵa jiberilgen.
Qyzyl kitapqa engen janýarlardyń qozǵalý aýmaǵyn baqylaý maqsatynda ár qorshaý ishine 2 fototuzaqtan ornatylǵan.
Eske sala keteıik, tuıaqtylardyń Balqash aýdanyna oralýy, jolbarysty Qazaqstanǵa jersindirý baǵdarlamasy aıasynda iske asyrylyp otyr. Ony Orman sharýashylyǵy jáne janýarlar dúnıesi komıteti Dúnıejúzilik jabaıy tabıǵat qorymen birlesip, BUU Damý baǵdarlamasynyń qoldaýymen júzege asyrady.