BQO joldarynda bir kúnde eki jol apaty bolyp, eki adam kóz jumdy, dep habarlaıdy Egemen.kz Polisia.kz-ke silteme jasap.
4 jeltoqsanda saǵat 01:20 shamasynda «Tasqala-Atameken» avtojolynyń 36 shaqyrymynda VAZ-21074 avtokóligin basqarǵan 35 jastaǵy júrgizýshi kólik tizginin basqara almaı, aýdarylyp ketken. Jol-kólik oqıǵasy saldarynan júrgizýshi alǵan jaraqattarynan sol jerde qaıtys boldy.
Sol kúni saǵat 07:30 shamasynda Rýbejınskoe aýylynyń mańynda Lada-2107 kóliginiń 24 jastaǵy júrgizýshisi GAZ-53 kóligine soǵylǵan. Apat saldarynan Lada avtokóliginiń júrgizýshisi jedel járdem jetkenge deıin oqıǵa ornynda qaıtys boldy.
Eki fakt boıynsha QR QK 345-baby 3-bóligi «Jol qozǵalysy erejelerin buzý» boıynsha sotqa deıingi tergeý júrgizilip jatyr.