QOǴAMDYQ UIYM – QOZǴAÝShY KÚSh

Jaqynda elimizdegi qoǵamdyq uıymnyń quryltaıy ótedi. Oǵan daıyndyq sharalary da óriste­tilýde. Al jalpy qoǵam damýyna baılanysty adamdardyń da ómirge degen kózqarasy, áleýmettik sura­ny­sy ósetini anyq. Sondyqtan da uıym jumysyndaǵy úrdisterdi qol­danystaǵy zań aıasynda júrgizý qa­jet. Onyń ústine Memleket bas­shy­sy halyqtyń áleýmettik jaǵ­daıyn jaqsartýǵa erekshe nazar aýda­ryp otyr. Máselen, bıylǵy jyldyń mamyr aıynda Elbasy Nursultan Nazarbaev Kásipodaqtar federasııasynyń tóraǵasy Sııazbek Muqashevty qabyldap, elimizdegi qazirgi kásipodaqtar qozǵalysy, eldiń áleýmettik-ekonomıkalyq máselelerin sheshýdegi qoǵamdyq uıym­dardyń birlese atqarǵan ju­mys­tary jáne alda turǵan mindetter jaıly áńgimelesti. Jezqazǵan qalasynda 2008 jyly ótken respýblıkalyq bız­nes-forýmda Elbasy bıznestiń áleý­mettik máselelerdi sheshýdegi jaýap­kershiligin atap kórsetip, “Uıymdyq kelisim jasańdar” aksııasyn bastap bergen edi. Sodan beri Jetisý óńirinde Almaty kásipodaqtary odaǵy men onyń quramyndaǵy 285 myń múshesi bar 23 salalyq kásipodaqtardaǵy 249 uıym men 40 bólimshede 1476 ujymdyq kelisim jasaldy. Qazirgi kezde sol qujat negizinde jumys júr­gizilýde. Elbasynyń atalǵan forýmda aıtqan qazirgi kásip­odaq­tar áleýmettik máselelerdiń durys sheshilýin qoǵamdyq uıym retinde baqylaýdy óz mindetine alýy kerek degen tapsyrmasy jumysymyzdyń negizine aınalǵan. Jumys berýshiler men óndiris­shi­ler odaǵy, qala men oblys ákimi jáne Almaty kásipodaqtary odaǵy arasyndaǵy úsh jaqty ujymdyq kelisim 20 jyldan beri ár eki jyl saıyn jasalyp, onda taraptar aldyna qoıylǵan mindetterdiń oryndalýyn únemi baqylaýda ustaýda. Nátıjesinde jumys berýshiler men ony oryndaýshylar  arasyndaǵy túsinistik jaqsaryp, eki aradaǵy kelisim sheshimin tapty deýimizge negiz bar. Eńbek adamynyń densaýlyǵyn jaqsartý, uıymdastyrý jaıy da oń sheshilýde. Kásipodaqtar qarapaıym jumysshylar men olardyń bala­la­ry­nyń demalysyn uıymdastyrýǵa, turmysy tómen otbasylaryna, múge­dekter men soǵys jáne eńbek ar­dagerlerine áleýmettik járdem­der jasaýǵa, ana men bala quqynyń qorǵalýyna, jumys oryn­daryn­daǵy eńbek jáne tehnıkalyq qaýip­sizdikti saqtap, eńbek zańdy­lyq­tarynyń buzylmaýyn qamtamasyz etýge belsene atsalysyp otyrǵa­nyn atap aıtqan jón. Almaty qalasy men oblys boı­ynsha qoǵamdyq negizde jumys is­teıtin 1488 tehnıkalyq-ınspektor ótken bir jyl ishinde ǵana qurylys salasy men óndiris oryndarynda túrli mekemelerde 430 dúrkin tek­serý ótkizip, keıbir oryn alǵan kemshilikterdiń betin ashty. Tıisti oryndarǵa, mekeme basshylaryna jazbasha jáne aýyzsha eskertýler jasaldy. Jibergen kemshilikteri úshin eńbek ujymdarynyń keıbir basshylaryna qatań sharalar qoldanǵan derekter de bar. Qazir Almaty qalasy men atal­ǵan oblysta tikeleı kásipodaq­tar­dyń aralasýymen jumysshy-qyz­met­shiler men oqýshylardyń jazǵy demalysyn oıdaǵydaı uıym­dastyrý sharasy qolǵa alynyp, sońǵy ázirlikter tekserilýde. Qyzmettik maqsaty eń aldy­men qarapaıym eńbek adamdary men jumysshy-qyzmetshilerdiń áleýmettik-ekonomıkalyq jaǵ­daıyn jaqsartýdy oılaýdan bastalatyn qoǵamdyq uıymǵa Elbasynyń ózi nazar aýdaryp, qoldaý kórsetip otyrǵanda isimizdi shıratqan ústine shırata túsýimiz kerek ekenin anyq sezinemiz. Bul jolǵy quryltaıda tyndyrylatyn istermen qatar alda atqaratyn aýqymdy mindetter de aıqyndala­tyn bolady. Árıne, quryltaı ju­mysy búgingi órkenıetke bettegen tustaǵy eńbek adamdarynyń quqyq­taryn qorǵaýdaǵy jańa qyrynan kórinedi degen senim­demiz. Myrzaǵalı  MOLDAHMET, Almaty oblystyq kásipodaqtar odaǵynyń tóraǵasy.