Almatylyq 12 jastaǵy ánshi Devıd Charlın 11 jeltoqsan kúni Erevanda ótken «Junior Eurovision 2022» halyqaralyq baıqaýynda 15-inshi oryn aldy, dep habarlaıdy Egemen.kz.
Baıqaýda Qazaqstan ókili «Jer-Ana» ánimen óner kórsetti. Shyǵarma aǵylshyn jáne qazaq tilderinde oryndaldy.
Ulttyq qazylar alqasynyń daýys berýi jáne onlaın-daýys berý nátıjesi boıynsha qazaqstandyq azamat 47 upaı jınap, 16 qatysýshy eldiń arasynan 15-orynǵa turaqtady. Onlaın daýys berýge 178 eldiń turǵyny qatysty.
Al «Junior Eurovision» baıqaýynyń bas júldesin «Oh Maman» ánin oryndaǵan Fransııalyq Lıssandro jeńip aldy. Ol 203 daýys jınady. Ekinshi orynda Armenııa (180 upaı). Úzdik úshtikti Grýzııa aıaqtady (161 upaı).