Memleket basshysy Qasym-Jomart Toqaev Úkimettiń keńeıtilgen otyrysynda apat kezinde salǵyrttyq tanytqan mınıstrlikterdiń jumysyn synǵa aldy, dep habarlaıdy Egemen.kz.
«Turǵyn úı-kommýnaldyq sharýashylyǵy salasyndaǵy máselelerdi sheshý qajet. Negizi, bul – aýyl men qalanyń aýqymynda sheshile beretin turmystyq másele. Biraq biz ony Úkimettiń deńgeıinde qaraýǵa májbúrmiz. О́ıtkeni osy saladaǵy tótenshe oqıǵalar tym kóp bolyp ketti», dedi Memleket basshysy.
Osy rette ol Petropavlda, Temirtaýda, Stepnogorskide, Balqashta, Qaraǵandyda, Aqtóbede jáne Rıdderde bolǵan apattardy atap ótti.
«Atalǵan apattardyń eshqaısysynan ákimder men mınıstrler, eń bastysy, menshik ıeleri tıisti qorytyndy jasaǵan joq. Al jaqynda Ekibastuzda bolǵan tótenshe jaǵdaı bul saladaǵy ahýaldyń qanshalyqty kúrdeli ekenin aıqyn kórsetti. Qyzmetkerlerdiń jaýapsyzdyǵy, baqylaý júıesiniń qaýqarsyzdyǵy myńdaǵan adamdy jylýsyz qaldyrdy. Jaýapty qyzmetkerler qysty qalypty rejımde, aman-esen ótkizemiz dep esep bergen. Biraq is júzinde jaǵdaıdyń qalaı bolyp jatqanyn kórip otyrsyzdar», dedi Prezıdent.
Budan soń, ol Pavlodar oblysynyń ákimi óz ótinishimen qyzmetinen bosatylǵanyn aıtty.
«Quzyrly memlekettik organ – Energetıka mınıstrliginiń eshqandaı áreketin kórgen joqpyz, bul mekeme apatqa selqos qarap, beıtaraptyq tanytty. Sondaı-aq tótenshe jaǵdaı qyzmetteriniń jumysy durys jolǵa qoıylmaǵan. Olar baıaý qımyldap, salǵyrttyq tanytty», dedi Toqaev.