ASTANA. 5 maýsym. Eýrazııalyq ıntegrasııanyń mańyzyn tutas el, barlyq mamandyq ıeleri jete túsinýi kerek. «Nur Otan» partııasynyń músheleri osyndaı pikirde. Bul týraly «24kz» habarlady.
«Nur Otan» partııasynyń Qostanaı oblystyq fılıaly janynan qurylǵan jedel top músheleri stýdenttermen kezdesý ótkizdi. Qostanaı medısınalyq kolledjinde uıymdastyrylǵan bul jıynda ekonomıster men basqa da sala mamandary eýrazııalyq ıntegrasııanyń basty baǵyttary jaıly áńgimelep berdi.
Nurotandyqtar álemdik naryqtaǵy básekelestikke tótep berý úshin ıntegrasııa jolyna túsýdiń mańyzy zor dep esepteıdi. Olardyń pikirinshe, aýylsharýashylyǵy, ónerkásip, energetıka salalaryn órkendetý úshin elimizge senimdi seriktester qajet. Budan bólek, olar qurlyqtyq jáne sý joldary tasymalynyń ashylýy otandyq ekonomıkaǵa serpin beredi dep sanaıdy.
Joldybaı Bazar.
Derekkóz: «24kz».
Foto: dmk.kz.