Qyzylorda oblysynyń polıseıleri «Avtobýs» jedel-profılaktıkalyq is-sharasyn ótkizdi, dep habarlaıdy Egemen.kz.
Jergilikti polısııanyń málimetine sáıkes, is-sharaǵa Qyzylorda oblysy Polısııa departamentiniń 450 qyzmetkeri jumyldyrylǵan. Jol qozǵalysy qaýipsizdigin qamtamasyz etýde departament qyzmetkerlerimen is-shara ýaqytynda jolaýshy tasymaldaýdy júzege asyrýshy avtobýs, shaǵyn kólemdi avtobýs júrgizýshileri tarapynan barlyǵy 1383 jol qozǵalysy erejesin buzý derekteri anyqtalǵan.
Sonymen qatar oblysaralyq jáne qalaaralyq 585 qoǵamdyq kólik quralynyń jylytý, elektr jabdyqtary jaǵdaıynyń sáıkestigi tekserildi.Reıd barysynda 36 qoǵamdyq kólik aıyp turaǵyna qoıyldy, 35 avtokóliktiń qozǵalysyn shekteý maqsatynda memlekettik belgileri alyndy.