Bogotada (Kolýmbııa) ótip jatqan aýyr atletıkadan 2022 jylǵy álem chempıonatynda erler arasynda 96 kelige deıingi salmaq dárejesi boıynsha jarys ótti, dep habarlaıdy Egemen.kz.
Bahreın atynan shyqqan kolýmbııalyq Lesman Paredes 397 kelini (julqa kóterýde 185 jáne serpe kóterýde 212) baǵyndyryp, jeńiske jetti. Ekinshi oryndy qazaqstandyq Nurǵısa Ádiletuly - 383 (174 + 209) ıelense, kolýmbııalyq Djor Moreno - 380 (171 + 209) qola júldeger atandy.
Aıta keteıik, Qazaqstan úshin bul medal ótken álem chempıonatyndaǵy ekinshi medal boldy - buǵan deıin Alekseı Chýrkın 73 kelige deıingi salmaqta qola júldeger atanǵan bolatyn.