Táýlik boıy jaýǵan qardyń kesirinen О́skemende qozǵalys qıyndady. Kólikti qoıyp, jaıaý júrginshilerdiń júrýi muń edi. Búkil qaladaǵy qardy tazalaýǵa 86 tehnıka men 150-den astam adam jumyldyrylǵan eken. Sonyń ózinde joldardy tazalap úlgermeı jatyr, dep jazady Egemen.kz.
Qolaısyz aýa raıyna baılanysty búgin О́skemen men Glýbokoe aýdanyndaǵy orta mektepterdegi barlyq synyptarda sabaqty qashyqtan oqytýǵa kóshirildi.
Qoǵamdyq kólikterdiń qatynaýy da qıyndaǵan. Al, aıaldamalardyń kóbin qar basyp jatyr. Joldaǵy qar áli tolyq tazalanbaǵandyqtan, keıbir avtobýs júrgizýshileri búgin reıske shyǵýdan bas tartqan.
Qarǵa qamalǵan turǵyndar jumystaryna keshikti. Aýlalar qardan tolyǵymen tazalanǵan joq áli. О́skemen – Altaı baǵytyndaǵy kúre jolǵa shekteýler engizildi.
– Búgin bizde qanshama júrgizýshiler shyqqan joq. О́ıtkeni onyń bári jasqanady. Jolǵa syımaısyń. Jol tar. Aıaldamada aınala almaısyń, – deıdi avtobýs júrgizýshisi Bolat Músekenov.
«Taza О́skemen» KMK dırektory Ashat Tájenovtyń aıtýynsha, sońǵy 2 aptadan beri qar kún ara tolassyz jaýdy. Al kesheden beri onyń qalyńdyǵy bir metrge jetti. Dál mundaı qar 5-6 jyl buryn bolǵan. Sondyqtan, tórt-bes jylda bir ret kóp túsetin qar úshin tehnıkanyń sanyn kóbeıtý tıimsiz. Turǵyndar sál shydamdylyq tanytsa bir-eki kúnde bári retteledi.