Antıkorrýpsııalyq qyzmet Gúlmıra Satybaldyǵa qatysty kásiporyndardyń qatysý úlesterin zańsyz ıemdenýdiń, sonyń ishinde adam urlaýmen ushtasqan eki fakti boıynsha tergeýdi aıaqtady, dep habarlaıdy Egemen.kz vedomstvonyń baspasóz qyzmetine silteme jasap.
Antıkor málimetinshe, jábirlenýshige keltirilgen zalal somasy 6,6 mlrd teńgeden asady.
15 jeltoqsanda qylmystyq is aıyptaý aktisimen birge prokýratýraǵa kúdiktilerdi sotqa berý týraly máseleni sheshý úshin jiberildi.
Satybaldy Gúlmıra jáne onyń baqylaýyndaǵy «Arııa-Jańa Astana» JShS kompanııasynyń basshylyǵy, sondaı-aq memlekettik organdardyń laýazymdy tulǵalary obektilerdi salýǵa bólingen bıýdjet qarajatyn urlady degen kúdikke ilindi.
Tergeý satysynda memleketke keltirilgen zalal tolyǵymen óteldi. Osy fakt boıynsha sotqa deıingi tergeý aıaqtalyp, is kúdiktiler men olardyń advokattaryna tanysýǵa berildi.
Satybaldy Gúlmıraǵa qatysty bıznesti basyp alýdyń jáne zańsyz bas bostandyǵynan aıyrýdyń basqa epızodtary boıynsha tergeý jalǵasyp jatyr.