ShQO qutqarýshylary aýa raıynyń qolaısyzdyǵynan óz kólikterine jete almaı qalǵan balyqshylarǵa kómektesti, dep habarlaıdy Egemen.kz.
ShQO TJD baspasóz qyzmetiniń málimetinshe, «112» qyzmetine shaqyrý Ulan aýdanynyń «Sibe» kólinen kelip túsken. 3 balyqshy kómek suraǵan. Belgili bolǵandaı, olar aýa raıynyń qolaısyzdyǵyna baılanysty óz kólikterine ózdiginen jete almaǵan. Balyq aýlaǵan jerdegi tútek boran olardy tyǵyryqqa tiregen. Oqıǵa ornyna kelgen Ulan aýdanynyń TJ 13 órt sóndirý beketiniń qyzmetkerleri sol jerge jaıaý baryp, úsh adamdy kól jaǵasyna, olardyń kóligine jetkizgen. Qaýipsizdik maqsatynda jaqyn mańdaǵy Bozanbaı aýylyna deıin erip júrgen.
Qutqarýshylar turǵyndardan táýekelge barmaýdy jáne marshrýttyń qaýipsizdigine kóz jetkizip, eldi mekenderden tys jerlerge shyqpaýdy, muzdyń qalyńdyǵy keminde 10 sm muzǵa jetkende ǵana shyǵýdy surady. Tótenshe jaǵdaı kezinde «112» nómiri boıynsha habarlaý qajet.