Astanada zańdy tulǵalar úshin jańa Halyqqa qyzmet kórsetý ortalyǵy ashyldy, dep habarlaıdy Egemen.kz.
Buǵan deıin zańdy tulǵalar qyzmet kórsetý úshin qarapaıym HQKO-larǵa júginip, jeke tulǵalarmen birge kezekte turdy. HQKO jumysyn ońtaılandyrý jáne azamattardyń qanaǵattanýshylyǵyn arttyrý maqsatynda zań qyzmetteri boıynsha qyzmet kórsetý úshin jeke HQKO ashý týraly sheshim qabyldandy.
Ortalyq jańa jabdyqtarmen jabdyqtalǵan, kelýshiler úshin barlyq qolaıly jaǵdaılar jasalǵan.
«Biz zańdy tulǵalarǵa kezekte turmaı jeke tulǵalardan bólek qyzmet kórsetý yńǵaıly bolatynyn túsindik. Biz ár klıenttiń ýaqytyn baǵalaımyz. Endi zańdy tulǵaǵa aqyly negizde bólek qyzmet kórsetýge bolady», dep túsindirdi Memlekettik korporasııanyń Basqarma tóraǵasy Súıenish Ábdildın.
Onyń aıtýynsha, kelesi jyly búkil Qazaqstan boıynsha zańdy tulǵalar úshin HQKO-lar ashý josparlanýda.