Keshe Almatyda qoǵamdyq kólik ınkassator kóligimen soqtyǵysty, dep habarlaıdy Egemen.kz.
Jergilikti polısııa qyzmetiniń kezekshi bóliminiń málimetinshe, oqıǵa 25 jeltoqsan kúni tańǵy saǵat 7:40-ta Almatynyń Almaly aýdanynda bolǵan.
«GAZ markaly avtokólikti tizgindegen 1982 jylǵy júrgizýshi D. Abaı dańǵylynda, 141-úıge qarama-qarsy ońtústik baǵytta keri burylyp, Abaı dańǵylymen batys baǵytta júrip kele jatqan 1967 jylǵy A. tizgindegen Golden Dragon avtobýsymen soqtyǵysqan. Oqıǵa saldarynan GAZ kóliginiń júrgizýshisi zardap shekti. Ony feldsherler tekserdi, aýrýhanaǵa jatqyzýdy qajet etpedi», dedi Almaty Polısııa departamentiniń baspasóz qyzmetinen.
Qazir atalǵan derek boıynsha Almaly aýdanynyń polısııa qyzmetkerleri jumys júrgizip jatyr.