Astana qalasynda Jańa jyl merekesi qarsańynda aýdan ákimderi balalardy kele jatqan merekemen quttyqtaý úshin arnaıy mektepterge bardy, dep habarlaıdy Egemen.kz elorda ákimdiginiń saıtyna silteme jasap.
Astana qalasy Baıqońyr aýdanynyń ákimi Erlan Jaýlybaev balalardy quttyqtap, olarǵa aýdan ákimdigi atynan tátti syılyqtar tabystaý úshin №3 arnaıy mektepke bardy.
Táttilerden bólek, oqýshylar konserttik baǵdarlamadan jáne keler jyldyń basty sımvoly – qoıanmen birge oıyn ótkizip, erekshe áserge bólendi.
Sondaı-aq ákimder pedagogterdi de quttyqtady. Elordanyń Saryarqa aýdanynyń ákimi Júsip Jumaǵulov №2 arnaıy mektepke barý barysynda erekshe balalarmen jumys isteıtin mamandardyń jumysyn erekshe atap ótti.
«Muǵalim – uly mamandyq. Osy mektepte erekshe balalardy tárbıelep, olardy damytý arqyly úlken jumys atqaryp júrsizder. Búgingi qoǵamnyń damýyna erekshe úles qosyp kelesizder. Eńbekterińizge alǵysymyz sheksiz! Sizderge kómek kórsetýge árdaıym daıynmyn», dedi Júsip Jumaǵulov.
О́z kezeginde Esil aýdanynyń ákimi Asylbek Esenbaev №64 «Asyl bóbek» arnaıy balabaqshasynyń balalaryn kele jatqan Jańa jylmen quttyqtady. Ol sondaı-aq balalarǵa tátti syılyqtar berip, jyly lebizderin jetkizdi.
Bıyl arnaıy mektep oqýshylary úshin birqatar mádenı-buqaralyq is-shara uıymdastyrylǵanyn atap ótken jón. Naqtyraq aıtqanda, oıyn-saýyq ortalyqtaryna tegin barý, qala ákimi men aýdan ákimderiniń atynan kınoteatr men shyrshalarǵa barý.