Sarysý aýdanynyń ortalyǵy Jańatas qalasynda qardan tazartý jumystary júrgizilip jatyr, dep habarlaıdy Egemen.kz Jambyl oblysy ákiminiń baspasóz qyzmetine silteme jasap.
Túnde bastalǵan tazalaý jumystaryna 13 tehnıka, 20 adam kúshi jumyldyrylǵan. Qazirge deıin qaladaǵy negizgi 27 kóshedegi (barlyǵy 48 kóshe) qar tazartyldy.
Qardyń bıiktigi shamamen 21 sm-ge jetken. Aýdanda jel sekýndyna 12 metr jyldamdyqpen soǵyp jatyr.
Sonymen qatar aýdan ortalyǵy men eldi mekenderdi jalǵaıtyn Aqtoǵaı, Jańaryq, Saýdakent eldi mekenderine jol ashylyp, kólik qatynaı bastady. 4 jedel járdem kóligi kezekshilik etip jatyr.