Májiliste qańtardaǵy tártipsizdik kezinde tabylǵan qarý-jaraqtar kórmesi uıymdastyryldy, dep habarlaıdy Egemen.kz.
Kórmege qańtar oqıǵasyna qatysýshylardan tárkilengen 172 birlik túrli qarý-jaraq arnaıy ákelindi.
«Qazir tártip saqshylary 4 myńnan astam qarýdy tapty. Olardyń basym bóligi jedel-izdestirý sharalary barysynda tabyldy. Polısııa qyzmetkerleri 200-den astam qoımany zalalsyzdandyrdy. Urlanǵan qarýdyń basym bóligi Taraz ben Taldyqorǵan qalalarynan tabylǵan. Azamattyq qarýdyń basym bóligi tabyldy. О́kinishke qaraı, 1900-ge jýyq qyzmettik jáne azamattyq qarý áli tabylǵan joq», dedi jýrnalısterge QR IIM Tergeý basqarmasynyń bastyǵy Sanjar Ádilov.
Qańtar oqıǵasy kezinde ishki ister organdarynyń úsh myńnan astam qyzmetkeri ártúrli dene jaraqattaryn aldy, 58 tártip saqshysy aýyr jaraqat aldy, 111 qyzmetker pyshaq jaraqatyn alǵan edi.