Qys mezgili bastalǵannan beri elordadan 1,3 mln tekshe metrden astam qar shyǵaryldy, bul 106 myńnan astam júk kóliginiń kólemine teń. Astananyń kommýnaldyq qyzmetteri táýlik boıy, ásirese keshki jáne túngi ýaqyttarda kúsheıtilgen rejımde jumys isteıdi, dep habarlaıdy Egemen.kz qala ákimdiginiń saıtyna silteme jasap.
Elordada kún saıyn qar kúreýge myńnan astam arnaıy tehnıka men eki myńnan astam jol jumysshy jumyldyrylady.
Eń aldymen, joldarda keptelisti boldyrmaý úshin qozǵalysy qarqyndy oryndar tazartylady. Sondaı-aq ortasha qarqyndylyǵy bar ýchaskeler, atap aıtqanda alańdar, vokzal mańy aýmaqtary, trotýarlar, áleýmettik nysandarǵa kirme joldar jáne basqa da oryndardyń qary kúreledi.
4 qańtardan 5-ine qaraǵan túni qaladan 50 myń tekshe metrden astam qar nemese 3 808 júk kóligi shyǵaryldy.
Qys bastalǵaly beri kommýnaldyq qyzmetter qaladan 106 myńnan astam júk kóligi toly qardy shyǵardy, bul 1,3 mln tekshe metrden astam qardy quraıdy.
Qalanyń kommýnaldyq qyzmetteri óz jumystaryn kúsheıtilgen rejımde jalǵastyryp jatyr.