Myrzaǵalı Aıtjanov ulttyq quramanyń bas bapkeri qyzmetinen óz erkimen ketken Qaırat Sátjanovtyń ornyna keldi.
Qaırat Sátjanov 2021 jyldyń qyrkúıeginen bastap Qazaqstan Respýblıkasynyń erler quramasyn basqarǵan edi. Osy ýaqyt ishinde qazaqstandyq boksshylar 2021 jyly Belgradta ótken álem chempıonatynda bes medal jeńip aldy. Sonymen qatar 2022 jyly Ammanda ótken Azııa chempıonatynda úzdik óner kórsetip, eki chempıonatta da Qazaqstan komandalyq medaldyq esepte ekinshi orynǵa ıe boldy.
«Qazaqstan boks federasııasy Qaırat Sátjanovqa atqarǵan jumysy úshin alǵys bildire otyryp, elimizdiń Ulttyq komandasynyń jańa tálimgeri Myrzaǵalı Aıtjanovqa álem chempıonattarynda, Azııa jáne Olımpıada oıyndarynda budan da úlken jetistikter tileıdi», delingen habarlamada.
Eske sala keteıik, Myrzaǵalı Aıtjanov Halyqaralyq dárejedegi sport sheberi, Qazaqstannyń eńbek sińirgen jattyqtyrýshysy.