Memleket basshysy «Astana» halyqaralyq qarjy ortalyǵynyń basqarýshysy Renat Bekturovty qabyldady, dep habarlaıdy Egemen.kz Aqordaǵa silteme jasap.
Prezıdentke qarjy naryǵyn, kapıtal naryqtary men qyzmetterin damytýǵa qatysty AHQO-nyń jospary baıandaldy.
Kezdesý barysynda Qasym-Jomart Toqaev «Astana» halyqaralyq qarjy ortalyǵynyń jumysyn jandandyrý jóninde birqatar mindet júktedi. Atap aıtqanda, shetelden ınvestısııa tartýǵa jan-jaqty atsalysýdy, jańa qarjy quraldaryn damytýdy jáne el ekonomıkasynyń ornyqty damýyna yqpal etýdi tapsyrdy.