OLAR QOǴAMNAN BО́LShEKTENBEIDI

Taǵdyrdyń mańdaıǵa jazǵa­ny­na shara joq. Estý qabiletinen aı­ryl­ǵan jandar da qoǵamnyń ár mú­shesi sekildi ómirdiń qyzyǵyna bólengisi keledi. Alaıda, keıde oı­laǵandaı bola bermeıtini ókinishti. Atyraýda osyndaı sanattaǵy 600-ge jýyq múgedek bar. Olardyń 230-y ǵana eńbekpen qamtylǵan. Bular tigin sehynda jumys isteıdi, shyǵarmashylyq ujym quramynda túrli festıvaldarǵa, óner saıys­ta­ryna qatysady. Oblystyq myl­qaý­lar qoǵamynyń basshysy Za­mı­la Ahmetova osylaı deıdi. Mun­daı jandar árkez qoldaýǵa, qam­qorlyqqa májbúr bolǵan­dary­men, ony jetkizip aıta almaıdy. Olardyń saýsaqpen sóılesý tilin kópshilik túsine bermeıdi. Degenmen, olardyń arasynda ónerlileri de molynan kezdesedi. Ony Atyraýda “Biz bir koman­da­myz” respýblıkalyq áleýmettik ak­sııa aıasynda mylqaýlardy qol­daý maqsatynda ótkizilgen “She­ka­rasyz qatynas” sharasynda baı­qa­dyq. Bul aksııa oblystyq “Jumys berýshiler men kásipkerler” oda­ǵynyń májilis zalynda ótti. Dál osy zalda estý, sóıleý qabileti shek­telgen jandar jınalǵandarǵa óz ónerlerin kórsetip, ónerge, ómir­ge qulshynysy baryn ańǵart­ty. Ásirese, Natasha Soıdyń  mýzyka yrǵaǵymen án aıtýy, ıaǵnı ándi saýsaq qımylymen jetkizýi tyńdarmanyn eriksiz oılantady. Bıshiler de joq emes. Jadyra Aqqalıeva men Gúlnur Ábilhataeva túrli halyqtyń ulttyq bılerin myń burala bılep, ónerge degen umtylysymen, taǵdyrdyń teperi­shine moıymaıtyn erik-jigerimen erekshelendi. Sonyń ishinde “Qara jorǵa” bıin aıryqsha shabytpen, qulshynyspen bıledi. Múmkindigi shekteýli jan­dar­dy bir uıymǵa biriktirip, qoǵam­nan bólshektenbeýine eńbek sińirip júrgen Zamıla Ahmetova­nyń aıtýynsha, ókinishke qaraı,  sahnalyq kıimderdi udaıy jalǵa alady eken. Arnaıy tapsyryspen tik­tirýge qarjy tapshy. Muny óńir­degi kásiporyndar basshyla­ry­na qulaqqaǵys retinde aıtqanyn jetkizgimiz keldi. Al Atyraý oblystyq Azamattyq alıansynyń prezıdenti, belgili kásipker  Álııa Bekqojıeva múmkindigi shekteýli jandarǵa árkez qoldaý kórsetýge umtylyp júredi. Atalǵan sharaǵa ká­sipkerler atynan Á.Bekqo­jıeva­­nyń bir ózi qatysyp, myl­qaý­lar qoǵamynyń 12 múshesine uıaly baılanys telefondaryn tabys etti. – Biz mundaı jandardan syrt aınala almaımyz. О́mirge múmkin­digi shekteýli bolyp kelgeni úshin kináli emes. Olar qaı kezde de mem­lekettiń, júreginde ımandy­lyq qasıet uıalaǵan jandardyń  qol­daýyn sezinedi. Qıyndyqqa qaramastan, bıznespen aınaly­syp, qoǵamdyq jumystarǵa bel­se­ne aralasyp júrgen bul adam­dar­dyń tózimdiligine, ómirge talpy­nysyna tánti bolasyń. Úkimettiń qaýlysymen memlekettik tapsy­rys­tyń 30 paıyzy osyndaı múm­kin­digi shekteýli jandardyń úle­sine beriletinin bilemiz. Osyǵan oraı jaqynda Adjıp QKO-nyń tapsyrysymen Maqat aýdanyn­da­ǵy osyndaı jandarmen 4 aı boıy tyǵyz jumys istedik. Olardy  tigin bıznesine úırettik. Qazir bul seh arnaıy kıimder, halat, qolǵap tigý boıynsha birneshe iri tapsyrystar aldy. Bizdiń qoldaýymyz, kóme­gi­miz búgingi sharamen shektelip qal­maıdy. Biz únemi qoldaý bildirýge daıynbyz. Sebebi, bárimiz – bir­ligimiz jarasqan bir komandamyz. Budan bylaı sizderde uıaly tele­fon bar, endi sms habarlamamen baılanys jasap turaıyq, –dedi Álııa Baıjanqyzy. Oblystyq ishki saıasat bas­qar­masy bastyǵynyń orynbasary Aǵı­ba Qateshova memlekettiń tara­pynan múmkindigi shekteýli jan­dar­dy áleýmettik turǵydan qol­daý­ǵa udaıy kóńil bóline bere­ti­ni­ne toq­tala kelip: “Eshkim eshkim­nen artyq ta, kem de emes. Bárimiz birdeımiz. Sondyqtan sizderdi eshkim qoǵamnan bólshektemeıdi, ónerlerińizdi kórsetýge shekteý jasamaıdy. Sizderdiń  kez kelgen adammen, kez kelgen uıymmen shekarasyz baılanys, qarym-qatynas jasaýǵa múmkindikterińiz mol”, dedi. Joldasbek ShО́PEǴUL, Atyraý oblysy.