Qostanaı qalasyndaǵy Táýelsizdik kóshesinde sý qubyry jelilerindegi qudyqtan aqaý shyqty. Apat ornyna mamandar jiberildi, dep habarlaıdy Egemen.kz qala ákimdiginiń baspasóz qyzmetine silteme jasap.
Qostanaı Jylý energetıkalyq kompanııasynyń baspasóz qyzmeti atap ótkendeı, apatqa sý qubyry jelileriniń tozýy sebep bolǵan.
«10 qańtarda saǵat 11:00-de «QTEK» MKK dıspetcherine qudyqtan sý aǵyp jatqany týraly habar kelip tústi. Arnaıy brıgada apat ornyna saǵat 12:00-de jetken», dep habarlady kommýnaldyq kásiporyn.
Apat saldarynan Táýelsizdik jáne Qozybaev kóshelerindegi úıler sýsyz qaldy.
Apatty joıý jumystary kúni boıy júrgiziledi. QTEK sýyq sýsyz qalǵan úılerdiń turǵyndaryna sý tasymaldaýǵa ýáde berdi.