О́zara is-qımyl men yntymaqtastyq negizinde

Keshe Qazaqstan Respýblıkasynyń Qorǵanys mınıstri Serik Ahmetov Máskeýde ótip jatqan UQShU Qorǵanys mınıstrleri keńesi otyrysynyń sheńberinde Belarýs qorǵanys vedomstvosynyń basshysy Iýrıı Jadobınmen kezdesti. Taraptar áskerı jáne áskerı-tehnıkalyq yntymaq­tas­tyqty budan ári nyǵaıtý, Qarýly kúshterdi qarý-jaraq­pen jáne áskerı tehnıkanyń qazirgi zamanǵy júıelerimen qam­tamasyz etý, áskerı bilim berý jáne kadrlar daıarlaý sala­laryndaǵy birlesken joba­lardy iske asyrý másele­lerin talqylady. Kezdesý barysynda UQShU-ǵa qatysýshy memleketterdiń qazirgi zamanǵy qaýip-qater­lerge qarsy turýdaǵy, syrtqy saıasat, qorǵanys jáne qaýipsizdik salalaryndaǵy UQShU konsýltatıvtik qyz­met­terin iske asyrýdaǵy ynty­maqtastyǵynyń ózekti máseleleri boıynsha pikir almasý ótti. Armenııa, Belarýs, Qa­zaq­stan, Qyrǵyzstan, Reseı, Tájikstan Ujymdyq qaýip­sizdik týraly shart uıymyna (UQShU) múshe elder bolyp tabylady. «Egemen-aqparat».