AQSh, Kanada jáne Meksıka basshylary Mehıkodaǵy Soltústik Amerıka elderiniń sammıtine qatysyp, halyqaralyq saýda, zańsyz kóshi-qon jáne aımaqtyq máseleler boıynsha óz oılarymen bólisti, dep habarlaıdy Egemen.kz.
AQSh prezıdenti Djo Baıden, Meksıka prezıdenti Andres Manýel Lopes Obrador jáne Kanada premer-mınıstri Djastın Trıýdo energetıkalyq máselelerdi sheshý, klımattyń ózgerýiniń áserin azaıtý, pandemııadan keletin qaýiptiń aldyn alý, aımaqtyq strategııany qalyptastyrý jaǵdaıyn talqylady.
AQSh Kanadany Gaıtıdegi halyqaralyq mıssııany basqarýǵa kómektesýge shaqyrdy. Baıdenniń aıtýynsha, bul Karıb teńizi araldaryndaǵy memleketterge gýmanıtarlyq daǵdarysty sheshýge kómektesedi.
Sammıt barysynda AQSh pen Meksıka basshylary zańsyz mıgranttarmen kúresý strategııasyn talqylady. Tek 2022 jyldyń ózinde Amerıkada 2,3 mıllıonnan astam zańsyz mıgrant tirkelgen.
Sondaı-aq kezdesý barysynda Meksıka prezıdenti Andres Manýel Djo Baıdendi Latyn Amerıkasyndaǵy saıası-áleýmettik jaǵdaılarǵa nazar aýdarýǵa, ásirese kóshi-qon daǵdarysyn sheshýge shaqyrdy. О́z sózinde Andres Manýel amerıkalyq jumys berýshilerdi qujatsyz júrgen meksıkalyq mıgranttarǵa ár túrli salalarda jumys isteýge kóbirek múmkindik berýin surady.
Gúlshahra SANSYZBAI