Kókshetaý qalasynda bıýdjet qarajatyn jymqyrǵan Qurylys basqarmasy basshysynyń orynbasary sottaldy, dep habarlaıdy Egemen.kz.
Kókshetaý qalalyq sotynyń úkimimen Aqmola oblysy qurylys basqarmasy basshysynyń orynbasary M.Qanseıitov kináli dep tanylyp, ómir boıy memlekettik qyzmette qyzmet atqarý quqyǵynan shektelip, 8 jylǵa bas bostandyǵynan aıyryldy.
Sol úkimmen «Sarapshy Arsenal» JShS quryltaıshysy B. Shaımerdenov pen «Kókshestroı Tehnadzor» JShS tehnıkalyq qadaǵalaý ınjeneri O. Renn kináli dep tanylyp, sáıkesinshe 7,5 jáne 7 jylǵa bas bostandyǵynan aıyryldy. Olarǵa memlekettik qyzmette 5 jyl merzimge qyzmet atqarý quqyǵynan aıyrý túrindegi jaza qoldanyldy.
«Tergeý barysynda sottalǵandardyń Shýchınsk qalasynda júz páterlik turǵyn úı salýǵa bólingen 50,5 mıllıon teńge kóleminde qurylys montajdaý jumystary naqty oryndalmaǵany úshin bıýdjet qarajatyn urlaǵany dáleldendi. Úkim zańdy kúshine engen joq», delingen ANTIKOR habarlamasaynda.