Kóligimen kólge batyp ketken adamnyń denesi 28 metr tereńdikten tabyldy, dep habarlaıdy Egemen.kz.
Ol sý astynda kóligimen birge bir táýlikke jýyq ýaqyt jatqan.
«13 qańtada saǵat 15:10 shamasynda qasynda jolaýshysy bar NIVA markaly kóliktiń júrgizýshisi qatqan Alakól ústimen júrip ótken. Sol kezde muz jarylyp, kólik sýǵa ketken. Kóliktegi jolaýshy syrtqa shyǵyp úlgergen. Al júrgizýshi kólik salonynan shyǵa almaı, sýǵa batyp ketti», – delingen TJM baspasóz qyzmetiniń habarlamasynda.
Izdeý jumystary barysynda 14 qańtarda saǵat 11:00-de Abaı oblysynyń qutqarýshylary sýǵa batqan adamnyń denesin 28 metr tereńdikten jer betine alyp shyqty.
Aıta keteıik, qutqarý jumysyna QR TJM RQU-nyń Abaı oblysyndaǵy 4 qyzmetkeri, 1 tehnıkasy, jergilikti atqarýshy organnyń 25 adamy men 6 tehnıkasy jumyldyryldy.