Ǵylym jáne joǵary bilim mınıstri Saıasat Nurbek AQSh-qa jumys saparynyń sońǵy kúnin Harvard University ókilderiniń kezdesýimen aıaqtady. Is-shara barysynda Garvard stýdentteriniń Qazaqstanda taǵylymdamadan ótýi týraly ýaǵdalastyqqa qol jetkizildi, dep habarlaıdy Egemen.kz.
Tarqatyp aıtsaq, issapardyń sońǵy kúninde mınıstr Harvard Innovation Lab, The New England Commission of Higher Education, Davis Center fo Russia and Eurasia studies Harvard Kennedy School basshylyǵymen, Dýglas Dıllon atyndaǵy memlekettik basqarý professory Grem Allıson jáne Garvard Kennedı mektebiniń halyqaralyq qarjy jáne damý jónindegi Sumitomo - FASID professory, Halyqaralyq damý ortalyǵynyń dırektory Azım Khvadjamen kezdesý ótkizdi.
Azım Khvadja qonaqjaılyq tanytyp mınıstrdi ózi basqaratyn ortalyqtyń qyzmetimen tanystyrdy. Ol óziniń qyzyǵýshylyǵyn atap ótip, yntymaqtastyqty Qazaqstandaǵy Garvard stýdentteriniń taǵylymdamasynan bastaýdy usyndy. Mınıstr Saıasat Nurbek bul bastamany qoldady.
Aıta keteıik, taraptar joǵary oqý oryndarynyń bilim alýshylary men ǵalymdarymen almasý múmkindigin qarastyratyn jobalardy talqylady.
Bul yntymaqtastyqty ári qaraı damytý úshin Saıasat Nurbek professor Azım Khvadjany elimizge shaqyrdy. О́z kezeginde Azım Khvadja bul shaqyrtýdy qýana qabyl aldy.
Gúlshahra SANSYZBAI