Qyzylorda oblysynda sıntetıkalyq esirtki taratqan kúdikti ustaldy. Tintý sharalary barysynda er adamnan esirtki salynǵan 165 túıinshek tabyldy, dep habarlaıdy Egemen.kz IIM baspasóz qyzmetine silteme jasap.
Qyzylorda oblysy PD Esirtki qylmysyna qarsy is qımyl basqarmasynyń qyzmetkerleri júrgizgen arnaıy jedel-izdestirý is-sharalarynyń nátıjesinde qala kósheleriniń birinde Kia avtokóligi toqtatylyp, kólikti tintý kezinde taratýǵa daıyndalǵan 165 túıinshekke oralǵan esirtki zaty anyqtalyp, tárkilendi. Dál sol jerde 20 jastaǵy oblys turǵyny quryqtaldy.
Anyqtalǵandaı, kúdikti oblys ortalyǵynda turǵyn úıdi jalǵa alǵan. Ruqsat etilgen tintý kezinde jalǵa alynǵan turǵyn úıden jazýlary bar paket ishinen aq tústi untaqtar, elektrondy tarazy, folga, ızolenta tárkilendi. Saraptama qorytyndysyna sáıkes, aıǵaqty zat retinde tárkilengen sıntetıkalyq esirtki zattar (jalpy salmaǵy 233,28 gramm mefedron jáne 249,7 gramm PVP).
Atalǵan derek boıynsha QR QK-niń 297-baby 3-bóliginiń 3,5-tarmaǵymen sotqa deıingi tergep-tekserý bastaldy. Kúdikti ýaqytsha ustaý ızolıatoryna qamaýǵa alyndy.