Áleýmettik jelide «Seftrıakson» antıbıotigin qoldanǵan Almaty qalasynyń 18 turǵyny qaıtys boldy degen aqparat tarap júr, dep habarlaıdy Egemen.kz Stopfake.kz saıtyna silteme jasap.
Osyǵan baılanysty dárihanalar atalmysh preparatty saýdadan alyp tastaǵany týraly aqparat shyqty. Biraq Densaýlyq saqtaý mınıstrligi bul aqparatty joqqa shyǵardy.
- «Seftrıakson» antıbıotiginiń jaǵymsyz áseri týraly nemese ony qoldanǵan naýqastyń ólimi týraly eshqandaı derekter tirkelmegen. Densaýlyq saqtaý mınıstrliginiń Medısınalyq jáne farmasevtıkalyq baqylaý komıtetine jáne Almaty qalasyndaǵy departamentine mundaı shaǵymdar kelip túsken joq», - delingen mınıstrlik habarlamasynda.
Aıtolǵan JÚNISHAN,
L.N.Gýmılev atyndaǵy EUÝ stýdenti