Qazaqstan Respýblıkasy Ulttyq ulany «Ońtústik» óńirlik qolbasshylyǵynda Qazaqstan Respýblıkasy Ulttyq ulanynyń qurylǵanyna 31 jyl tolýyna oraı saltanatty jıyn ótti, dep habarlaıdy Egemen.kz vedomstvonyń baspasóz qyzmetine silteme jasap.
Táýelsizdik alǵan alǵashqy kezeńnen bastap eldiń qoǵamdyq qaýipsizdigi men ishki tártibin kúzetý, túzeý mekemeleri men asa mańyzdy nysandardy qorǵaý maqsaty memleketimizdiń aldyndaǵy mańyzdy maqsattardyń biri bolyp turdy. Osy maqsatta 1992 jyldyń 10 kańtarynda Qazaqstan Respýblıkasy Prezıdentiniń Jarlyǵymen Ishki ister mınıstirliginiń Ishki áskerleri quryldy.
2014 jyldyń 21 sáýirinde Ishki áskerler Ulttyq ulan bolyp qaıta quryldy. Al 2015 jyly «Ulttyq ulan týraly» zań kúshine endi.
Qaýipsizdiktiń qalqany, egemen elimizdiń qorǵany Ulttyq ulannyń jaýyngerlik tarıhı jylnamasy sonaý táýelsizdiktiń alǵashqy jyldarynda, 1992 jyly 10 qańtarda Qazaqstan Respýblıkasy Prezıdentiniń «Qazaqstan Respýblıkasy IIM Ishki áskerleri týraly» Jarlyǵyna qol qoıǵannan bastap jazyla bastady. Táýelsizdiktiń eleń-alań shaǵynda eldiń erteńi men qaýipsizdik qamy úshin qabyldanǵan bul reformalyq sharalar baǵamynyń tarıhı qundylyǵyn aıtpasaq ta, túsinikti. Ultty ortaq ıgilikke uıytý, el birligin saqtaý, tynyshtyqty qamdaý, óndiristegi órkendi isterge jol ashýdyń bári - elin súıe bilgen, eldikti bekemdeı bilgen Memleket basshysynyń eren eńbeginiń jemisi.
Merekelik shara jaýyngerlik tý kirgizilgennen keıin, memlekettik Ánuran oryndaýdan bastaldy.
Atalǵan sharaǵa «Ońtústik» óńirlik qolbasshylyǵynyń jáne Almaty garnızonyndaǵy áskerı bólimderdiń jeke quramy, Ulttyq ulan ardagerleri qatysty.
Merekelik keshte alǵashqy bolyp sóz alǵan Qazaqstan Respýblıkasy Ulttyq ulany «Ońtústik» óńirlik qolbasshylyǵy qolbasshysynyń tárbıe jáne áleýmettik-quqyqtyq jumystar jónindegi orynbasary, polkovnık Nııaztaı Álkeshev jeke quramdy aıtýly datamen quttyqtap, baıandama jasady.
«31 jylda jasalǵan ıgilikti ister az emes. Qazaqstan Respýblıkasynyń Prezıdenti – Qasym-Jomart Kemeluly Toqaevtyń qamqorlyǵynyń arqasynda Ulttyq ulan qalyptasý jolynan ótip, damýǵa kóshti. Osy jyldary áskerdiń kásibı sapasy eselep artty. Onyń materıaldyq-tehnıkalyq qamtylýy qarqyndy damyp jatyr. Qazirgi kezde Ulttyq ulan eldiń senimin aqtaıtyn aıbyndy kúshke aınaldy. Búgingi kásibı merekede óńirlik qolbasshylyqtyń barlyq jeke quramyna, ardagerlerge jáne otbasylaryńyzǵa zor densaýlyq, bereke-birlik, amandyq, el ıgiligin eseleý jolyndaǵy eseli eńbekterińizge tolaǵaı tabystar tileımin!», dedi polkovnık Nııaztaı Álkeshev.
Budan keıin «Ońtústik» óńirlik qolbasshylyǵy qolbasshysynyń mindetin ýaqytsha atqarýshy polkovnık Bekaıdar Qazkeev sóz alyp, merekelik jıynda qyzmettik mindetterin adal atqaryp, úzdik jetistikterge qol jetkizgen áskerı qyzmetshiler men Ulttyq ulannyń qarqynda damýyna óz úlesterin qosqan ardagerlerge qurmet kórsetti. Marapattaý rásiminen keıin elimizdiń táýelsizdik alǵaly ótken tarıh jolyna toqtala kelip, onyń ishinde Ulttyq ulanda bolǵan oń ózgeristerdi jáne oǵan ulandyq jaýyngerlerdiń qosqan úlesin maqtanyshpen atap ótti.
Is-sharanyń resmı bóliminen keıin merekelik konsert ótti. Kórermender aldynda «General» tobynyń ánshileri óner kórsetti.