Almaty qalasy boıynsha Sybaılas jemqorlyqqa qarsy kúres departamenti «Medeý» saıabaǵynyń dırektory Almas Attaphanovty, onyń orynbasary Almas Aıqymbaev pen uıymdastyrý-quqyqtyq bóliminiń basshysy Asqar Janaevty ustady, dep habarlaıdy Egemen.kz.
«Kásipkerlik sýbektisinen buryn jasalǵan memlekettik satyp alý týraly sharttar boıynsha oryndalǵan jumys aktilerine qol qoıý úshin para alý faktisi boıynsha laýazymdy tulǵalarǵa qatysty sotqa deıingi tergeý amaldary júrgizilip jatyr», delingen habarlamada.
Vedomstvoda atap ótilgendeı, Qazaqstan Respýblıkasy Qylmystyq kodeksiniń 201-babyna sáıkes qylmystyq is boıynsha ózge málimetter jarııa etýge jatpaıdy.