Memleket basshysy Qostanaı oblysyna jumys sapary barysynda Lısakov qalasyndaǵy balalarǵa arnalǵan «Alaqaı» otbasylyq demalys ortalyǵyna bardy, dep habarlaıdy Egemen.kz Aqordaǵa silteme jasap.
Ortalyq dırektory Lıýbov Zaharova Memleket basshysyna akvapark, órmeleý alańy, jazǵy lager sekildi jobalaryn tanystyrdy.
Qasym-Jomart Toqaev uzaq jyldar boıy bilim berý júıesinde adal eńbek etip, óskeleń urpaqtyń tárbıesine eleýli úles qosqany úshin Lıýbov Zaharovany Qazaqstan Respýblıkasy Prezıdentiniń Alǵys hatymen jáne «Altyn barys» tósbelgisimen marapattady.
Sonymen qatar Qasym-Jomart Toqaev ortalyqta Qostanaı oblysynyń belsendi jastarymen áńgimelesti.
«Shyn máninde, ózińniń qarym-qabiletińdi kórsetip, halyqtyń ıgiligine jumys istep, el damýyna úles qosý úshin úlken qalada turý shart emes. Lısakov basqa monoqalalarmen salystyrǵanda áldeqaıda taza, jınaqy ekenin álginde aıttym. Kásippen, paıdaly ispen aınalysý arqyly buǵan sizder de zor úles qosyp júrsizder. Osyndaı qalalardy damytýymyz kerek», dedi Prezıdent.