Qazaqstan men Birikken Arab Ámirlikteri arasyndaǵy áýe reısteriniń sany artyp keledi. Bul týraly Indýstrııa jáne ınfraqurylymdyq damý mınıstrliginiń Azamattyq avıasııa komıtetinde aıtyldy, dep habarlaıdy Egemen.kz.
Prezıdent Qasym-Jomart Toqaevtyń 15-17 qańtarda BAÁ-ge jasaǵan saparynyń qorytyndysy boıynsha avıasııa bıligi eki el arasyndaǵy reıster sanyn arttyrýǵa kelisti.
«Áýe tasymalynyń qoljetimdiligin qamtamasyz etý jáne áýe bıletteriniń qunyn tómendetý maqsatynda 22 qańtardan bastap Wizz Air Abu Dhabi loýkoster áýekompanııasy Abý-Dabı men Almaty qalalary arasyndaǵy reısterdiń sanyn 3-ten 4 reıske deıin arttyrdy. Reıster «Airbus A320/A321» sııaqty áýe kemelerimen oryndalady», dep habarlady komıtettiń baspasóz qyzmetinen.
Sondaı-aq Fly Dubai kompanııasynyń habarlaýynsha, 26 qańtardan bastap Dýbaı – Astana baǵyty boıynsha reıster sanyn aptasyna 10-nan 14 reıske deıin ulǵaıtý josparda bar. 28 qańtardan bastap Dýbaı – Almaty baǵyty boıynsha aptasyna 10-nan 14 reıske deıin; 28 aqpannan bastap Fly Dubai Shymkent-Dýbaı baǵyty boıynsha aptasyna 2 reıs jıiligimen (sársenbi, senbi) reısterdi qalpyna keltirýdi josparlap otyr. Ushýlar B-737 ushaqtarymen oryndalady.Aıta keteıik, 2023 jyldyń 17 qańtarynda Qazaqstan men BAÁ «ashyq aspan» rejımin uzartty.