Senat depýtattary Qazaqstandaǵy maınıngti retteý jónindegi zańdarǵa ázirlengen túzetýlerdi talqylady, dep habarlaıdy Egemen.kz.
Senat depýtattary Qarjy jáne bıýdjet komıtetiniń keńeıtilgen otyrysynda «Qazaqstan Respýblıkasyndaǵy sıfrlyq aktıvter týraly», «Qazaqstan Respýblıkasynyń keıbir zańnamalyq aktilerine sıfrlyq aktıvter, aqparattandyrý jáne sottyq ákimshilendirý máseleleri boıynsha ózgerister men tolyqtyrýlar engizý týraly», «Qazaqstan Respýblıkasynyń Ákimshilik quqyq buzýshylyq týraly kodeksine ózgerister men tolyqtyrýlar engizý týraly», «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń Kodeksine (Salyq kodeksi) jáne «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń Kodeksin (Salyq kodeksi) qoldanysqa engizý týraly» Qazaqstan Respýblıkasynyń Zańyna ózgerister men tolyqtyrýlar engizý týraly» zańdardy talqylady.
Qujattar Qazaqstandaǵy sıfrlyq aktıvter men maınıng qyzmetin damytý jóninde quqyqtyq baza jasaý, sýbektilerdiń qyzmetine salyqtyq monıtorıng pen baqylaýdy júzege asyrý, sondaı-aq sıfrlyq aktıvter salasyndaǵy zańnamany buzǵany úshin jaýapkershilikti júkteý maqsatynda ázirlendi.