Elordada alǵash ret Astana Meeting World Indoor Tour halyqaralyq kúmis deńgeıdegi týrnır ótkizildi. Jarys ıeleri óz qorjyndaryn 8 medalmen tolyqtyrdy, dep habarlaıdy Egemen.kz.
Qazaqstan quramasynyń eki ókili qurmet tuǵyrynyń joǵarǵy satysyna kóterildi. Áıelder arasynda 400 metrge júgirýde 55,14 sekýndta jeńiske jetken Elına Mıhınaǵa teń keler eshkim bolmady. Áıelder arasyndaǵy bıiktikke sekirý jarystarynda barlyq júldeni Qazaqstan atletteri enshiledi: altyn medal - Nadejda Dýbovıskaıa (1 m 93 sm), kúmis medal - Krıstına Ovchınnıkova (1 m 89 sm), qola júlde - Elızaveta Matveeva (1 m 89 sm).
Erler arasynda 400 metrge júgirýde Andreı Sokolov (46,74 sek) ekinshi oryndy ıelendi.
Sondaı-aq 60 metrge júgirýde – Olga Safronova (7,30 sek), al uzyndyqqa sekirýde - Anastasııa Rypakova (5 M 89 sm) jeńimpaz dep jarııalandy.