Ázerbaıjan men Reseı 2024 jylǵy jeltoqsanda Aqtaý mańynda bolǵan ushaq apaty boıynsha kelisimge kelgenin málimdedi, dep habarlaıdy Egemen.kz.
Reseı tarapy 2024 jylǵy 25 jeltoqsanda bolǵan avıasııalyq apatty moıyndady. Osylaısha eki el Reseı Federasııasynyń áýe keńistiginde áýe shabýylyna qarsy qorǵanys júıesiniń abaısyz áreketi saldarynan Azərbaycan Hava Yolları áýe kompanııasyna tıesili Embraer 190 ushaǵynyń Aqtaý qalasy mańynda apatqa ushyraýyna baılanysty barlyq máselelerdi, sonyń ishinde ótemaqy tóleý máselesin retteýge kelisti.
Aqtaý mańynda qulaǵan ushaqtyń eksklıýzıvti sýretteri jarııalandy
Ázerbaıjan Syrtqy ister mınıstrligi eki el arasyndaǵy qatynastar ózara qurmet, senim jáne taraptardyń múddelerin eskerý negizinde damyp kele jatqanyn atap ótip, bul tatý kórshilik baılanystardy nyǵaıtýǵa jáne yntymaqtastyqty keńeıtýge yqpal etetinin jetkizdi.
Qos tarap qaza tapqandardyń otbasylary men jaqyndaryna taǵy da kóńil aıtty.
Eske salaıyq, 2024 jylǵy 25 jeltoqsanda Azerbaijan Airlines áýe kompanııasynyń ushaǵy apatqa ushyrap, 38 adam qaza tapty, olardyń ishinde Qazaqstannyń alty azamaty bolǵan.
Nurbolat AMANBEK