Ońtústik Koreıa jyl sońyna deıin Taıaý Shyǵys pen Qazaqstan elderinen 273 mıllıon barrel shıki munaı jetkizýge kelisim jasady. Bul týraly Ońtústik Koreıa prezıdenti ákimshiliginiń basshysy Kan Hýn Sık málimdedi, dep habarlaıdy Egemen.kz.
Kelisim aıasynda Ońtústik Koreıa jyl sońyna deıin Qazaqstannan 18 mıllıon barrel shıki munaı satyp alady. Ońtústik Koreıa prezıdentiniń ákimshiliginiń basshysy Kan Hýn Sıktiń sózinshe, Seýl energııa qaýipsizdigin qamtamasyz etý úshin Qazaqstandy negizgi seriktesterdiń biri retinde qarastyryp otyr.
Qazaqstanda 3,7 mıllıon tonna munaı ónimderi óndirildi
Ońtústik Koreıa Qazaqstanmen qatar Saýd Arabııasy, Oman jáne Qatar elderinen jalpy kólemi 273 mıllıon barrel munaı jetkizýge ýaǵdalasqan. Bul eldiń qalypty jaǵdaıdaǵy úsh aılyq tutyný muqtajyn tolyq óteıdi. Sondaı-aq Koreıanyń munaı hımııasy salasyna qajetti 4 mıllıon tonna nafta satyp alynatyn boldy.
Parsy shyǵanaǵyndaǵy soǵystan munaı eksporty 44 paıyzǵa quldyraǵan
Taıaý Shyǵystaǵy qarýly qaqtyǵystarǵa baılanysty munaı tasymaly dástúrli Ormuz buǵazyn aınalyp ótetin qaýipsiz balama joldar arqyly uıymdastyrylady. Atap ótsek, ótken jyly Ońtústik Koreıa shıki munaı ımportynyń 61 paıyzyn jáne nafta ımportynyń 54 paıyzyn Ormuz buǵazy arqyly alǵan.
Nurbolat AMANBEK