Qostanaıdyń taǵy bir dańqy – Toıota!

Táýelsiz Qazaqstannyń ekono­mı­kadaǵy ıntegrasııalyq qarym-qatynastarynyń arqasynda kóshelerden jeńil avtokóliktiń túr-túrin kóremiz. Sonyń arasyn­da álemdik brend bolyp esep­teletin Toıotonyń bási basym. Onyń jol tańdamaıtyn júr­­dektigi de, jolaýshyny shar­shatpaı­tyn jumsaqtyǵy da, sáni de bólek. Endi Toıota min­gi­si keletinder eshqaıda alań­damaı, Qostanaıǵa tartary anyq. Álem­dik brend kólik buryn da as­tyǵymen, kenimen dańqy tómen­demegen óńirden shyǵatyn boldy! Osydan az ǵana jyl bu­ryn Qostanaı qalasynyń syr­ty bolyp esepteletin mıdaı dala qazir óndiristi aýdanǵa aınalǵan. Osynda Keńes Odaǵy kezinde bastalyp, tastalǵan dı­zel zaýytynyń ornynda «AgromashHoldıng» mashına jasaý zaýyty ornalasqan. On­da­ǵy «SaryarqaAvtoprom» jaýapkershiligi shekteýli serik­­testiginiń tehnıkalyq baza­syn­da «Toıota Motor Qazaqstan» jaýapkershiligi shekteýli serik­testigi Toyoto Fortuner kólikteri tolyq sıklin iske qosyp, álemdik brendke aınalǵan mashınanyń qazaqstandyq alǵashqy dana­synyń tusaýkeserin jasady. – Búgingi Toıota kólikteriniń jelisin iske qosý saltanaty ústin­de osy jobanyń ońaılyqpen jú­zege aspaǵanyn da eske salǵym keledi. 2008 jyly Qazaqstan men Japonııa memleketi arasynda bul jóninde kelisimge qol jetti. Sodan keıingi jyldary Toıota kó­likterin Qazaqstanda qurastyrý baǵytynda jumystar birtindep júrgizile berdi. О́tken jyly ǵa­na Japonııa men Qazaqstan úki­metteri arasynda bul jóninde me­morandýmǵa qol qoıylǵan edi. Mine, búgin úlken jetistikke qol jetkizip turmyz. Toıota kólikteri bizdiń tutynýshylardy qýantyp qana qoımaıdy, el ekonomıkasyna súbeli úles qosatyn bolady, – dedi óndiristik jelini saltanatty iske qosý rásiminde sóz sóılegen  О́ńirlik damý mınıstri Bolat Jámishev. Saltanatty rásim­ge Toyoto Motor Corporation aty­nan onyń basqarma tóraǵasy Take­shı Ýchııamada myrza kelip qatysty. Qazaqstanmen Japo­nııa­nyń arasynda dostyq, dıplo­ma­tııalyq qarym-qatynastar Táýel­sizdigimizdiń eleń-alańynda-aq, naqtyraq aıtsaq, 1992 jyly bastalǵan bolatyn. – Qazaqstan resýrstarǵa asa baı el. 90-shy jyldardan bas­tal­ǵan eki el arasyndaǵy dıp­lomatııalyq qarym-qatynas bosqa ketpedi. Toyoto Motor Corporation Qazaqstanmen isker qatynasty tereńdetip áketti. Biz Qazaqstanǵa ınvestısııa saldyq, mine, Ortalyq Azııa aýmaǵynda birinshi ret Toıota kólikteri shyǵarylyp otyr. Biz Qazaqstannyń áriptestik kúsh-qýatyna senemiz. Bizdiń de bız­nesimizdiń óristeýi, Qazaqstanda mashına jasaý isiniń damýy úshin zaýytqa qajetti kómegimiz qashan da daıyn, – dedi Takeshı Ýchııamada myrza. Japonııa jaǵy Toıota jelilerin aıaǵynan turǵyzý úshin iske kózi qanyq, tájirıbesi mol 20 ınjenerdi ákeldi. Qazir olar sehtarda jumystardyń basy-qasynda júr. Osy saltanatqa qatysqan Indýstrııa jáne jańa tehnologııalar mınıstriniń orynbasary Albert Raý Toıota kólikteriniń Qazaqstanda qurastyrylýyn Elbasy Nursultan Nazarbaev jasaǵan ınvestısııalyq klımatty jaqsarta túsetinin atap aıtty. Investorlarmen birge óndiriske jańa tehnologııalar keledi. Toıota sonyń jarqyn mysalynyń biri. Kedendik odaqtyń qurylýyna baılanysty Qazaqstan naryǵy burynǵydan keńeıe tústi. Mamyr aıynyń aıaǵynda Reseı, Belarýs jáne Qazaqstan memleketteriniń prezıdentteri qol qoıǵan Eýr­a­zı­ıa­lyq ekonomıkalyq odaq Qazaq­­­stannyń eksporttyq áleýe­tiniń nyǵaıýyna kepildiń biri. Qostanaıda qurastyrylyp otyr­ǵan Toyoto Fortuner kóliginiń qo­rap­taryn dánekerleý, syrlaý ju­mystarynyń ózimizde atqarylýy Toıotaǵa 30 paıyz qazaqstandyq mazmun beredi. Bul jumysty 2018 jyly 50 paıyzǵa jetkizý mejede bar. Aldaǵy ýaqytta Toıotany ek­s­port­taý aldymen Eýrazııalyq ekonomıkalyq odaq elderinen bas­talatyny búginnen belgili bolyp otyr. Saltanatqa qatysqan Toıotanyń Eýropadaǵy jumysyn basqarýshy Toyoto motor Europe NV/SA prezıdenti Dıde Lerýa aldymen Toıota jelileriniń Qazaq­­standa ashylýyn eki jaqqa tıimdi ekenin, Qazaqstannyń ın­dýs­trııalyq áleýetiniń damýyna qosylǵan úles, qoldaý ekenin aıtty. – Biz jergilikti óndiris úshin Toyoto Fortuner úlgisin tańdaǵan sebebimiz, ol qazaqstandyq tutynýshylar talabyna meılinshe sáıkes keledi dep oılaımyz. Toyoto joǵary sapa standarttaryna jáne bizdiń úzdik qyzmet kórsetýge talpynysymyzǵa oraı, áýesqoı avtokólikshilerdiń kóńilinen shyqqan. Ol qazaqstandyq tutynýshylardy da rıza etetinine senemin, – dedi Lerýa. Qostanaıdaǵy «Agro­mashHoldıng» óndiris alańynda jasa­­lyp jatqan Toyoto Fortuner júrdek kóliginiń qurastyrý sehyna uıymdastyrylǵan press týr atshaptyrym sehtardy bolashaqta ishki týrızm sanatyna qossa da bolady eken degen oıǵa jeteledi. О́ıtkeni, munda jaı kólik emes, aty ańyzǵa aınalǵan Toıota qurastylyp, qurastyrylyp emes-aý jasalyp jatqan joq pa?! Kúrdeliligine qarap turyp basyń aınalatyn jelilerdi Japonııadan ákelip, japondyq mamandar qurastyrdy. Onda Toıotanyń dánekerleý, syrlaý jumystary atqarylady. Onan keıin qorabyn ornatý, motoryn salý, ishki kabınasyn qurastyrý, dońǵalaǵyn ornatý degen sekildi jumystar jalǵasa beredi. Eń sońynda jutynǵan sáıgúlikteı Toıotalar sap túzeıdi. Alǵashqy dánekerleý jumystary qolmen atqarylady. Odan keıin syrlaý jumysy avtomattandyrylǵan vakýýmda boıalady. Negizi Toıotanyń boıaýy on eki túrli eken, sonyń Qazaqstanda bes túri boıalady. Bir aýysymda segiz mashınanyń qoraby boıalyp shyǵady. Alǵashqy shyǵarylǵan Toıoto Fortıýner óndiristiń Toyoto standarttaryna tolyq sáıkes ekenin dáleldedi. – Bizdiń sehtarda jumysshylar Toıotanyń standarttaryn tolyq saqtaı otyryp jumys isteıdi. Onyń mánisi bylaı. Dánekerleý sehynda jumysshynyń ár qımy­lynyń máni bar. Ol sol qolmen ustaıtyn quraldy oń qolmen ustamaıdy, onyń ýaqyty, qımy­ly barlyǵy esepte. Bizdiń jaǵy­myzdan jumys barysynda eshqandaı «ımprovızasııa» bolmaýy tıis. Munyń barlyǵy kólik sapasyna áser etedi. Munda qolmen atqarylǵan dánekerleý jumysyn zergerdiń isimen ǵana salystyryńyz, –deıdi óndiristiń negizgi qurastyrý jumystary jónindegi dırektory Anton Talpa. «Toıota Motor Qazaqstan» JShS ázirge jylyna 3000 mashınany sapqa qoıýdy jos­parlap otyr. Bul taza Qazaqstan naryǵy úshin jasalady. Aldaǵy ýaqytta suranysqa qaraı óndiristiń qýaty jylyna 25 myń mashınaǵa deıin jetkiziledi. Qazir sehtarda tehnıkalyq nusqaýlar berip, barlyq qajetti standarttardyń saqtalýyn qadaǵalaıtyn japondyq mamandardyń syrtynda júzden asa qazaqstandyq maman jumysshy jumys ornyn tapty. Bolashaqta 400-den asa adam jumys isteıtin bolady. Toıota qurastyrý sehynda jumys isteıtin Ulanbek Sársenovtiń de qýanyshynda shek joq. – О́zim tehnıkalyq mamandyq alǵan edim. Onyń ústine Soltústik Koreıaǵa baryp, Toıota boıynsha biliktiligimdi jetildirip keldim. Qazir osynda qurastyrylǵan mashınalardy tekserý jumystaryna tartyldym. Jalaqy keshikpeıdi. Aldymen Elbasymyzǵa aıtar alǵysym sheksiz, – deıdi ol. Toıota Fortıýner kóligi 2005 jyly shyqqannan bastap, 2008 jáne 2011 jyldary eki ret feıslıftıngti bastan keshken eken. Al Qazaqstanda shyqqan nusqasynyń Japonııa men Taılandqa, Eýropaǵa qaraǵanda borany, daýyly, syqyrlaǵan aıazy mol dalanyń qatal tabıǵatyna beıimdeldi. Ol batpaqty, tas­taqty dep jer, qaıda salsań da jol talǵamaıdy. Soǵan sáıkes Qazaqstan ekonomıkasyn kóterý­ge brendtik úles qosatyn qazaq­standyq, qostanaılyq Toıota naryq ta tańdamaıtyn bolady. Názıra JÁRIMBETOVA, «Egemen Qazaqstan». QOSTANAI.