Búgin Ortalyq saılaý komıssııasynda Prezıdent taǵaıyndaǵan senatorlarǵa Parlament Senaty depýtattarynyń tósbelgileri men kýálikteri tabystaldy, dep habarlaıdy Egemen.kz.
Jańa senatorlarǵa tósbelgiler men kýálikterdi Ortalyq saılaý komıssııasynyń tóraǵasy Nurlan Ábdirov tabys etti.
«Osylaısha, sizderdiń Parlament Senatynyń depýtattary retindegi ókilettikterińiz resmı túrde bastaldy. Sizder zań shyǵarýshy bılikti júzege asyratyn eldiń joǵary ókildi organy – Qazaqstan Respýblıkasy Parlamentiniń depýtattary atandyńyzdar. Osy jyldyń 19 naýryzyna taǵaıyndalǵan Májiliske kezekten tys saılaý ótkizýge baılanysty sizder Parlament Senatynyń depýtattary retinde konstıtýsııalyq zańdar men zańdardy qabyldaý boıynsha búkil Parlament úshin zańnamalyq fýnksııalardy oryndaısyzdar», dedi OSK tóraǵasy.
2023 jyldyń 14 qańtarynda ótken saılaý nátıjesinde Senatqa 20 depýtat saılanǵan edi.
Prezıdenttiń 24 qańtardaǵy Jarlyqtarymen taǵy 10 senator taǵaıyndaldy, onyń beseýi – Qazaqstan halqy Assambleıasy tarapynan usynylǵan.