Qazir oqý mádenıeti tómendep ketti. Máselen, Eýropa elderinde qoǵamdyq oryndarda, metrolarda kitap, gazet oqyp otyrǵan adamdardy jıi kezdestiresiz. Bul oqıtyn adamnyń mádenıeti joǵary bolady degen sóz.
Bizde kitap syılaý, gazetke jazylý úrdiske aınalýǵa tıis. Sol kezde eshqandaı másele – baspasózge jazylymǵa memleket kómektesýi kerek, májbúrleý degen másele týyndamaıdy. Oqyrmannyń suranysyn qanaǵattandyratyn maqalalar bolýy kerek. Aımaqtyq, respýblıkalyq basylymdar eldegi ótkir máselelerdi kóterip, sonyń sheshý joldaryn usyna bilýi qajet.
Taǵy bir másele – jýrnalıster óz arasynda yqpaly men mártebesin kóterýge múddeli emes. Qazir «Mass-medıa týraly» zań jobasyn jıi synaımyz, biraq jobany jetildirýge jýrnalısterdiń ózderi úles qosyp jatqan joq. Joba ashyq talqylaýǵa shyǵaryldy. Biraq shyntýaıtyna kelgende zań jobasynyń mátinimen tolyq tanysyp shyqqan jýrnalıster sanaýly. Synaýǵa barmyz, biraq usynys bildirip, kem-ketigin jóndeýge degen qulshynys joq.
Jalpy jýrnalıstıkada bul salaǵa qııanat jasamaıtyndar, mamandyǵyna adaldar júrýi kerek. Gazet, saıt ashyp alyp, ony «ınfokıller» sııaqty «tapanshaǵa» aınaldyrýǵa, jeke basqa paıdalanýǵa bolmaıdy. Osynyń kesirinen jýrnalıstıkanyń yqpaly álsirep, jýrnalıstiń mártebesi tómendedi.
Názııa JOIаMERGENQYZY,
Túrkitildes jýrnalıster qorynyń prezıdenti