Qyrǵyzstannyń burynǵy vıse-premeri Jenısh Razakov alaıaqtyq jáne ókilettigin asyra paıdalandy degen kúdikke ilindi, dep habarlaıdy Egemen.kz Qyrǵyzstan Respýblıkasy IIM baspasóz qyzmetine silteme jasap.
Vedomstvonyń málimetinshe, 2022 jyldyń qyrkúıeginde IIM tergeý qyzmetine B.A. esimdi azamat shaǵymdanyp, Razakovqa qatysty shara qabyldaýdy suraǵan.
«2017 jyldyń kúzinde burynǵy vıse-premer Jenısh Razakov senimge kirip, óziniń laýazymdyq ókilettigin paıdalana otyryp, kásipkerlik qyzmetti júzege asyramyn degen jeleýmen 1 000 000 AQSh dollary kólemindegi qarjyny ıemdengen», delingen Qyrǵyzstan Ishki ister mınıstrliginiń habarlamasynda.
Osylaısha jınalǵan materıaldar negizinde, byltyr qazan aıynyń basynda Razakovqa qatysty Qyrǵyzstan Qylmystyq kodeksiniń 209-baby boıynsha qylmystyq is qozǵalǵan.
Al bıyl qańtarda burynǵy vıse-premer ustalyp, ýaqytsha ustaý ızolıatoryna qamaýǵa alyndy. Qazirgi tańda sot burynǵy sheneýnikti 24 aqpanǵa deıin qamaýda ustaý týraly sanksııa bergen. Tergeý jalǵasyp jatyr.
Gúlshahra SANSYZBAI