Búgin «Egemen Qazaqstan» redaksııasyna
Túrikmenstannyń Qazaqstan Respýblıkasyndaǵy Tótenshe jáne ókiletti elshisi Batyr Redjepov keldi, dep habarlaıdy Egemen.kz.
Mártebeli meımanmen bolǵan kezdesýde «Qazaq gazetteri» JShS bas dırektory Dıhan Qamzabekuly «Egemen Qazaqstan» gazetiniń tarıhyn jáne jaqynda ǵana «Qazaq gazetteri» men «Egemen Qazaqstan» JShS-niń birigý jumystary sátti aıaqtalǵanyn habardar etti. Endi «Qazaq gazetteri» JShS shańyraǵyna «Egemen Qazaqstan», «Kazahstanskaıa pravda», «Ana tili», «Aqıqat», «Mysl», «Teńge monıtor», «Uıǵyr avazı», «Úrker», «Aqjelken», «Baldyrǵan», «Ulan», «Drýjnye rebıata» basylymdary biriktirilip, damýdyń jańa kezeńine aıaq basqanyn aıtty.
О́z kezeginde B.Redjepov baýyrlas Qazaqstan men Túrikmenstan memleketteri qaı kezde de bir-birin qoldaıtynyn jáne ekijaqty yntymaqtastyq árdaıym damyp kele jatqanyn jetkizdi. Sondaı-aq elshi «Egemen Qazaqstan» gazetin Túrikmenstannyń basty gazetteriniń birimen memorandýmǵa qol qoıýyna atsalysýǵa nıet bildirdi.
Jyly júzdesýde túrki ádebıetiniń klassıgi Mahtymqulıdyń 300 jyldyǵy da sóz boldy. Sol aıada taraptar balalar men jasóspirimder basylymdarynda túrkimenniń uly aqyny týraly shyǵarmashylyq baıqaý ótkizýge múddeli ekenin jetkizdi.