Qazaqstan TJM qutqarýshylary Almatydan jer silkinisi saldaryn joıýǵa kómek kórsetý úshin Túrkııaǵa attandy. Tıisti tapsyrmany Qazaqstan Prezıdenti Qasym-Jomart Toqaev berdi, dep habarlaıdy Egemen.kz TJM baspasóz qyzmetine silteme jasap.
Aldyn ala málimet boıynsha bort Gazıantep qalasyna barady.
Jasaq quramynda Qazaqstan TJM qutqarýshylary, kınologııalyq esepter jáne Apattar medısınasy ortalyǵynyń medısına qyzmetkerleri bar.
TJM qutqarýshylarynyń ıeliginde qutqarýshy qural-jabdyqtary: gıdravlıkalyq jáne pnevmatıkalyq jabdyqtar, gıdravlıkalyq domkrattar, pnevmodomkrattar, perforatorlar, jaryqtandyrý quraldary, palatkalar, spýtnıktik termınal, karkasty modýl, avtotehnıka bar.
Top qajetti jabdyqtarmen de, qutqarý jumystaryn júrgizýde kóp jyldyq tájirıbesi bar qutqarýshylarmen de jabdyqtalǵan.
Buǵan deıin Túrkııanyń ońtústik-shyǵysyndaǵy Kahramanmarash provınsııasynyń Pazardjık aımaǵynda magnıtýdasy 7,4 bolatyn jer silkinisi bolǵany habarlanǵan edi.
Rejep Taıyp Erdoǵan jer silkinisine baılanysty Túrkııada jalpyulttyq aza tutý kúnin jarııalady.