6 aqpanda saǵat 18.02-de Semeı qalasyndaǵy kóshelerdiń birinde D-1000 mm qubyr káriz dıýkeri bitelip qaldy, dep habarlaıdy Egemen.kz.
Apat bolǵan sátten bastap kommýnaldyq qyzmetter avtomobıl joly men jeke turǵyn úı sektorynyń boıyn úıindimen bekitý jumystaryn bastady. Sondaı-aq jeke sektordyń aýla aýmaqtaryna kirgen aǵyndy sýdy soryp shyǵarý jumystaryn júrgizdi.
Sonymen qatar káriz sýy deńgeıiniń kóterilýi jalǵasa bergendikten, qosymsha kúshter men quraldardy qalyptastyrý qajettiligi týyndady.
Jedel shtab uıymdastyrylyp, Abaı oblysy TJ departamentiniń kúshteri men quraldary jáne TJM 68303 áskerı bóliminiń áskerı qyzmetshileri oqıǵa ornyna attandy.
7 aqpandaǵy jaǵdaı boıynsha, oqıǵa ornynda topyraq sebý, sondaı-aq káriz qaldyqtaryn soryp shyǵarý jumystary júrgizilip jatyr.
«16 aýla men 6 úıge sý kirdi. TJM 68303 áskerı bólimi áskerı qyzmetshileriniń kúshimen sýdyń úılerge qaıta kirýine jol bermeý maqsatynda ınertti materıaldar salynǵan 600 danadan astam qap tóseldi. Qaptardy tóseý jumystary jalǵasyp jatyr», delingen TJM baspasóz qyzmetiniń habarlamasynda.
Apatty joıýǵa ákimdikten, TJD, TJM 68303 áskerı bóliminen 115 adam jáne 46 birlik tehnıka jumyldyryldy.