Qostanaı oblysy boıynsha Memlekettik kirister departamenti jalpy salmaǵy 160 tonna pııazdy eksporttaýǵa jasalǵan 8 áreketti toqtatty, dep habarlaıdy Egemen.kz.
Pııazdy eksporttaýǵa tyıym salynǵanyna qaramastan, Reseı Federasııasyna pııazdy eksporttaý áreketteri jalǵasyp jatyr.
«Osylaısha, Qostanaı oblysy boıynsha Memlekettik kirister departamenti «Qaıraq» baqylaý-ótkizý beketinde jalpy salmaǵy 160 tonna pııazdy eksporttaýǵa jasalǵan 8 árekettiń jolyn kesti. Qolda bar jedel aqparatqa sáıkes, jabyq ónimderdi paıdalana otyryp, pııazdy eksporttaýǵa áreket jasalyp jatyr, osyǵan baılanysty tyıym salynǵan taýarlardyń, sondaı-aq ýaqytsha tyıymdar men shekteýler belgilengen taýarlardyń jekelegen túrlerin eksporttaý/ımporttaýdy baqylaý, kúsheıtilgen rejımge aýystyryldy», dedi mınıstrlik.
Qostanaı oblysy boıynsha Memlekettik kirister departamenti Qazaqstan Respýblıkasy Aýyl sharýashylyǵy mınıstriniń 2023 jylǵy 28 qańtardaǵy buıryǵymen respýblıka aýmaǵynan pııazdy 3 aı merziminde áketýge tyıym salynǵanyn eske saldy.
Batys Qazaqstan oblysyndaǵy shekara beketinen Túrkistan oblysyna pııaz tıelgen 20-dan astam kólik qaıtaryldy.